പ്രധാന വാർത്തകൾ
📰✍🏻 ലോകത്ത് കൊറോണ ബാധിതർ ഇതുവരെ :33,303,209
മരണ സംഖ്യ :1,002,389
📰✍🏻 ഇന്ത്യയിൽ 24 മണിക്കൂറിനിടെ 88600 പുതിയ രോഗികൾ, മരണമടഞ്ഞത് : 1124 പേർ ,
ആകെ ഇതുവരെ രോഗം ബാധിച്ചത് :6,073,348 പേർക്ക്
ആകെ മരണമടഞ്ഞത് : 95,574
📰✍🏻 കേരളത്തിൽ തുടർച്ചയായി രണ്ടാം ദിനവും 7000 കടന്ന് കോവിഡ് രോഗികൾ,
ഇന്നലെ 7455 പേർക്ക് കൂടി രോഗം സ്ഥിരീകരിച്ചു.6404 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 561 പേരുടെ സമ്പര്‍ക്ക ഉറവിടം വ്യക്തമല്ല. ഇവ രണ്ടുംകൂടെ ആകെ 6965 സമ്പര്‍ക്ക രോഗികളാണുള്ളത്
രോഗം സ്ഥിരീകരിച്ച് ചികിത്സയിലായിരുന്ന 3391 പേരുടെ പരിശോധനാഫലം നെഗറ്റീവ് ആയി ,
21 മരണങ്ങളാണ് ഇന്നലെ കോവിഡ്-19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 677 ആയി
📰✍🏻 പുതിയ രോഗികളുടെ കണക്ക് ജില്ല തിരിച്ച് :
കോഴിക്കോട് 956, എറണാകുളം 924, മലപ്പുറം 915, തിരുവനന്തപുരം 853, കൊല്ലം 690, തൃശൂര്‍ 573, പാലക്കാട് 488, ആലപ്പുഴ 476, കോട്ടയം 426, കണ്ണൂര്‍ 332, പത്തനംതിട്ട 263, കാസര്‍ഗോഡ് 252, വയനാട് 172, ഇടുക്കി 125
📰✍🏻രാജ്യ വ്യാപക പ്രക്ഷോഭങ്ങള്‍ തുടരുന്നതിനിടെ കാര്‍ഷിക പരിഷ്കാര ബില്ലില്‍ രാഷ്ട്രപതി ഒപ്പു വച്ചു. ഒപ്പ് വയ്ക്കരുതെന്ന പ്രതിപക്ഷ ആവശ്യം രാഷ്ട്രപതി രാംനാഥ് കോവിന്ദ് തള്ളി.
📰✍🏻തിരുവനന്തപുരം: പ്ലസ് വണ്‍ ഏകജാലക പ്രവേശനത്തിനായുള്ള രണ്ടാം അലോട്ട്മെന്‍റ് പട്ടിക പ്രസിദ്ധീകരിച്ചു.
📰✍🏻 ടിക്കറ്റിതര വരുമാനം വര്‍ധിപ്പിക്കുന്നതിെന്‍റ ഭാഗമായി റെയില്‍വേ മാതൃകയില്‍ കെ.എസ്.ആര്‍.ടി.സിയും പാര്‍സല്‍ സര്‍വിസ് ആരംഭിക്കുന്നു. വിവിധ സര്‍ക്കാര്‍ വകുപ്പുകള്‍, പൊതുമേഖലാസ്ഥാപനങ്ങള്‍, ഭരണഘടനാസ്ഥാപനങ്ങള്‍ എന്നിവയുടെയും സ്വകാര്യസംരംഭകരുടെയും പാര്‍സല്‍ കൈകാര്യം ചെയ്യാന്‍ പ്രത്യേകം വിഭാഗം ആരംഭിച്ചാണ് കെ.എസ്.ആര്‍.ടി.സി ചരക്കുഗതാഗത മേഖലയിലേക്ക് കടക്കുന്നത്. കെ.എസ്.ആര്‍.ടി.സി ലോജിസ്റ്റിക്സ് എന്നാണ് പേര്.
📰✍🏻രണ്ടിനു പകരം നാലാളെ കൊല്ലാന്‍ ശേഷിയില്ലാത്ത പാര്‍ട്ടിയല്ല സിപിഎം എന്നും എന്നാല്‍ കൊലയ്ക്ക് കൊല എന്നതല്ല പാര്‍ട്ടിയുടെ നയമെന്നും സംസ്ഥാന സെക്രട്ടറി കോടിയേരി ബാലകൃഷ്ണന്‍.
📰✍🏻8068 കോടിരൂപയുടെ വീടുകളുടെ നിര്‍മ്മാണം നാട്ടില്‍ യാഥാര്‍ത്ഥ്യമാക്കാന്‍ കഴിഞ്ഞ ലൈഫ് മിഷന്‍, ഭവന നിര്‍മ്മാണ കാര്യത്തില്‍ സ്വതന്ത്ര ഇന്ത്യയില്‍ നടന്ന ഏറ്റവും മികച്ച പ്രവര്‍ത്തനങ്ങളില്‍ ഒന്നാണെന്ന് മുഖ്യമന്ത്രി പിണറായി വിജയന്‍ പറഞ്ഞു
📰✍🏻പാലാരിവട്ടം പാലം നാളെ മുതല്‍ പൊളിച്ചു തുടങ്ങും. പൊളിക്കുന്ന പാലത്തിന്റെ കോണ്‍ക്രീറ്റ് അവശിഷ്ടങ്ങള്‍ കടലാക്രമണം തടയുന്നതിന് ഉപയോഗിക്കാന്‍ മന്ത്രി നിര്‍ദ്ദേശം നല്കി.
📰✍🏻തിരുവനന്തപുരം: കെപിസിസി പ്രചാരണ സമിതി അധ്യക്ഷ സ്ഥാനം ഒഴിഞ്ഞ് കെ.മുരളീധരന്‍. സ്ഥാനം രാജിവച്ചുകൊണ്ടുള്ള കത്ത് കോണ്‍ഗ്രസ് അധ്യക്ഷ സോണിയ ഗാന്ധിക്കു കൈമാറിയതായി മുരളീധരന്‍ പറഞ്ഞു
📰✍🏻ബാബ്റി മസ്ജിദ് തകര്‍ത്തതുമായി ബന്ധപ്പെട്ട കേസില്‍ ലക്നോവിലെ പ്രത്യേക കോടതി 30നു വിധി പ്രഖ്യാപിക്കുന്ന സാഹചര്യത്തില്‍ സുരക്ഷ ശക്തമാക്കാന്‍ കേന്ദ്ര നിര്‍ദേശം.
📰✍🏻റെഡ് ക്രെസെന്റ് ഇടപാട് ലംഘനങ്ങളുടെ ഘോഷയാത്രയാണെന്ന് ബിജെപി മുന്‍ സംസ്ഥാന അധ്യക്ഷന്‍ കുമ്മനം രാജശേഖരന്‍ പ്രസ്താവിച്ചു.
📰✍🏻സ്ത്രീകള്‍ക്കെതിരായിട്ടുള്ള ഒരുതരത്തിലുള്ള അക്രമവും പ്രോത്സാഹിപ്പിക്കില്ലെന്ന് മന്ത്രി കെ കെ ശൈലജ.
📰✍🏻ഏറ്റുമുട്ടലില്‍ രണ്ട് തീവ്രവാദികളെ സൈന്യം വധിച്ചു. ജമ്മുകാഷ്മീരിലെ അവന്തിപ്പോരയില്‍ സാംബൂരയിലാണ് ഏറ്റുമുട്ടലുണ്ടായത്. സ്ഥലത്ത് ഏറ്റുമുട്ടല്‍ തുടരുകയാണ്.
📰✍🏻രാജസ്ഥാനില്‍ സര്‍ക്കാര്‍ സ്‌കൂള്‍ അധ്യാപക നിയമനവുമായി ബന്ധപ്പെട്ട ആദിവാസി പ്രക്ഷോഭത്തിനു നേരെയുണ്ടായ പോലീസ് വെടിവയ്പില്‍ രണ്ടു പേര് മരണപ്പെട്ടു.
📰✍🏻കര്‍ണാടകയില്‍ കഴിഞ്ഞ 24 മണിക്കൂറിനിടെ 9,543 പേര്‍ക്കാണ് കോവിഡ് സ്ഥിരീകരിച്ചത് . ഇതോടെ ഇതുവരെ കോവിഡ് ബാധിച്ചവരുടെ എണ്ണം 5,75,566 ആയി. 79 പേര്‍കൂടി ഇന്നലെ മരിച്ചതോടെ ആകെ മരണം 8582 ആയി.
📰✍🏻യൂട്യൂബിലൂടെ സ്ത്രീത്വത്തെ അപമാനിക്കുകയും അശ്ലീല പരാമര്‍ശം നടത്തുകയും ചെയ്ത വിജയ് പി നായരെ കയ്യേറ്റം ചെയ്ത സംഭവത്തില്‍ ഡബ്ബിങ് ആര്‍ട്ടിസ്റ് ഭാഗ്യലക്ഷ്മിയെ പിന്തുണച്ച് വനിതാ കമ്മീഷന്‍ അധ്യക്ഷ രംഗത്ത് .
📰✍🏻നിയന്ത്രണം കൃത്യമായി പാലിച്ചില്ലെങ്കില്‍ തലസ്ഥാനനഗരത്തില്‍ വീണ്ടും ലോക്ഡൗണ്‍ വേണ്ടിവരുമെന്ന മുന്നറിയിപ്പുമായി മേയര്‍ കെ ശ്രീകുമാര്‍.
📰✍🏻തദ്ദേശ തിരഞ്ഞെടുപ്പിനായുള്ള അന്തിമ വോട്ടര്‍പട്ടികയുടെ പ്രസിദ്ധീകരണം ഒക്‌ടോബര്‍ ഒന്നിലേക്ക് മാറ്റിയതായി സംസ്ഥാന തിരഞ്ഞെടുപ്പ് കമ്മീഷണര്‍ വി.ഭാസ്‌കരന്‍ അറിയിച്ചു.
📰✍🏻ലൈഫ് മിഷന്‍ ക്രമക്കേടില്‍ പ്രാഥമിക അന്വേഷണവുമായി മുന്നോട്ട് പോകാന്‍ വിജിലന്‍സ് തീരുമാനം. സിബിഐ എഫ്‌ഐആര്‍ വിജിലന്‍സ് അന്വേഷണത്തിന് തടസ്സമല്ലെന്ന നിയമോപദേശം പരിഗണിച്ചാണിത്.
📰✍🏻കോവിഡ് ഭേദമായവര്‍ക്ക് വീണ്ടും കോവിഡ് വരുന്നത് ഗുരുതരമായ കാര്യമല്ലെന്നും രണ്ടാമതും രോഗം പകരുന്നത് ലോകത്തിന്റെ വിവിധ ഭാഗങ്ങളില്‍ റിപ്പോര്‍ട്ട് ചെയ്തിട്ടുണ്ടെന്നും കേന്ദ്ര ആരോഗ്യമന്ത്രി ഹര്‍ഷ് വര്‍ധന്‍.
📰✍🏻വയലിനിസ്റ്റ് ബാലഭാസ്‌ക്കറിന്‍റെ മരണവുമായി ബന്ധപ്പെട്ട് കലാഭവന്‍ സോബിയെ വീണ്ടും നുണപരിശോധനയ്ക്ക് വിധേയനാക്കും
📰✍🏻ലൈഫ് മിഷനില്‍ സിബിഐ രജിസ്റ്റര്‍ ചെയ്ത കേസില്‍ യൂണിടാക് എംഡി സന്തോഷ് ഈപ്പന്റെ അറസ്റ്റ് ഉടന്‍. സന്തോഷിനെതിരായ തെളിവുകള്‍ ലഭിച്ച സാഹചര്യത്തിലാണ് അറസ്റ്റ് ചെയ്യാന്‍ സിബിഐ തീരുമാനിച്ചത്.
📰✍🏻ബെന്നി ബെഹന്നാന്‍ യുഡിഎഫ് കണ്‍വീനര്‍ സ്ഥാനം രാജിവച്ചു. കണ്‍വീനര്‍ സ്ഥാനവുമായി ബന്ധപ്പെട്ട മാധ്യമവാര്‍‍ത്തകള്‍ വേദനിപ്പിച്ചുവെന്ന് വ്യക്തമാക്കിയിരുന്നു രാജി. എം എം ഹസനെ കണ്‍വീനര്‍ സ്ഥാനത്തേക്ക് പരിഗണിക്കണമെന്നാവശ്യപ്പെട്ട് കെപിസിസി നേരത്തെ തന്നെ ഹൈക്കമാന്‍ഡിന് കത്ത് നല്‍കിയിട്ടുണ്ട്.
📰✍🏻നെല്ല് സംഭരണം സമയബന്ധിതമായി നടപ്പാക്കുന്നതിന് മൂന്ന് സംസ്ഥാനങ്ങള്‍ക്കായി തുക അനുവദിച്ച്‌ കേന്ദ്രസര്‍ക്കാര്‍.
താങ്ങുവില നല്കി നെല്ല് സംഭരിക്കാന്‍ ഹരിയാന, ഛത്തീസ്ഗഢ്, തെലങ്കാന സംസ്ഥാനങ്ങള്‍ക്ക് ആദ്യഗഡുവായി 19,444 കാേടി രൂപ അനുവദിച്ച്‌ കേന്ദ്ര സര്‍ക്കാര്‍
📰✍🏻 മുൻ മന്ത്രിയും കേരള കോൺഗ്രസ് MLA യുമായ സി.എഫ് തോമസ് അന്തരിച്ചു. 81 വയസ്സായിരുന്നു.
📰✍🏻അന്തരിച്ച പ്രശസ്ത ഗായകന്‍ എസ്.പി ബാലസുബ്രമണ്യത്തിന്റെ ചികിത്സാ ചിലവുകളെ കുറിച്ചുള്ള വാര്‍ത്തകള്‍ക്കെതിരെ മകന്‍ എസ് പി ചരണ്‍. ചികിത്സാ ചിലവുകളെ കുറിച്ച്‌ നടക്കുന്നത് വ്യാജ വാര്‍ത്തകളാണെന്നും അദ്ദേഹം പറഞ്ഞു.
✈️✈️✈️✈️
വിദേശ വാർത്തകൾ
📰✈️അതിര്‍ത്തി കടക്കാന്‍ ശ്രമിച്ചെന്നാരോപിച്ച്‌ തങ്ങളുടെ പൗരനെ ഉത്തരകൊറിയന്‍ സൈന്യം കൊലപ്പെടുത്തിയ സംഭവത്തില്‍ സംയുക്ത അന്വേഷണം വേണമെന്ന് ദക്ഷിണ കൊറിയ.
📰✈️അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനെതിരെ ഗുരുതരമായ ആാേപണവുമായി ന്യൂയോര്‍ക്ക് ടൈംസ് പത്രം. 2016 ല്‍ ട്രംപ് പ്രസിഡന്റായി തെരഞ്ഞെടുക്കപ്പെട്ട വര്‍ഷം ട്രംപ് അടച്ചത് 750 ഡോളര്‍ നികുതി മാത്രമാണെന്ന് പത്രം ആരോപിച്ചു. ട്രംപ് വ്യാപകമായി നികുതി വെട്ടിപ്പ് നടത്തിയെന്നാണ് ആരോപണം.
📰✈️അമേരിക്കയില്‍ കോവിഡ് ബാധിതരുടെ എണ്ണം 73 ലക്ഷം കടന്നു.രാജ്യത്ത് ഇതുവരെ 7,321,343 പേര്‍ക്ക് കോവിഡ് ബാധിച്ചു 209,453 പേര് മരണത്തിനു കീഴടങ്ങുകയും 4,560,456 പേര് രോഗമുക്തി നേടുകയും ചെയ്തു
📰✈️അമേരിക്കയില്‍ പ്രസിഡന്റ് തിരഞ്ഞെടുപ്പ് നടക്കാനിരിക്കെ ഡെമോക്രാറ്റിക് സ്ഥാനാര്‍ഥി ജോ ബൈഡന് മയക്കുമരുന്ന് പരിശോധന നടത്തണമെന്ന് ഡോണള്‍ഡ് ട്രംപ് ആവശ്യപ്പെട്ടു
📰✈️പരീക്ഷണത്തിലിരിക്കുന്ന കൊറോണ വാക്‌സിന്‍ ചൈന ജനങ്ങള്‍ക്ക് വിതരണം ചെയ്‌തതായി റിപ്പോര്‍ട്ട്.
📰✈️സൈനിക ഏറ്റുമുട്ടലില്‍ 23 പേര് മരിച്ചു. നൂറോളം പേര്‍ക്ക് പരിക്കേറ്റു. മുന്‍ സോവ്യറ്റ് രാജ്യങ്ങ‍ളായ അര്‍മേനിയയും അസര്‍ബെയ്ജാനും തമ്മിലാണ് സംഘര്‍ഷമുണ്ടായത്. തര്‍ക്കമേഖലയായ നാഗോര്‍ണോ – കരാബാക്കിനെച്ചൊല്ലിയായിരുന്നു സൈനിക ഏറ്റുമുട്ടല്‍
📰✈️ചൈനയിലെ ഖനിയില്‍ വിഷവാതകം ശ്വസിച്ച്‌ 16 ജീവനക്കാര്‍ മരിച്ചു. ഇന്നലെയാണ് സംഭവം.തെക്കു പടിഞ്ഞാറന്‍ ചൈനയിലെ ക്വിജിംഗിലുള്ള ഖനിയിലാണ് കാര്‍ബണ്‍ മോണോക്സൈഡ് ശ്വസിച്ച്‌ ജീവനക്കാര്‍ മരിച്ചത്
📰✈️ ഇറാഖിൽ കാർ ബോംബ് സ്ഫോടനത്തിൽ 5 ഭീകരർ കൊല്ലപ്പെട്ടു.
📰✈️കൊവിഡ് മഹാമാരി പ്രതിരോധനം കൂടുതല്‍ കാര്യക്ഷമമാക്കുന്നതിനായി ലോകാരോഗ്യ സംഘടനയ്ക്ക് നല്‍കുന്ന തുക വര്‍ദ്ധിപ്പിച്ച്‌ ബ്രിട്ടന്‍.
📰✈️ലണ്ടനില്‍ കോവിഡ് നിയന്ത്രണങ്ങള്‍ക്കെതിരെ പ്രതിഷേധം ശക്തമാകുന്നു. സംഘര്‍ഷത്തില്‍ 9 പോലിസുകാര്‍ക്ക് പരിക്കേറ്റു. നിരവധി പ്രക്ഷോഭകര്‍ക്കും പരിക്കേറ്റതായി വിവിധ മാധ്യമങ്ങള്‍ റിപോര്‍ട്ട് ചെയ്തു.
🥉⚽🥍🏏🏑🏸🥉
കായിക വാർത്തകൾ
📰⚽ ഇംഗ്ലീഷ് പ്രീമിയർ ലീഗ് : ടോട്ടൻഹാമിന് ന്യൂകാസിലുമായി 1-1 സമനില, ലെസ്റ്റർ മാഞ്ചസ്റ്റർ സിറ്റിയെ 5 – 2 ന് തോൽപ്പിച്ചു , വെസ്റ്റ് ഹാം വോൾവ്സിനെ 4-0ത്തിന് തോൽപ്പിച്ചു
📰⚽ ലാ ലിഗയിൽ ബാർസക്കും സെവിയ്യക്കും ജയം
📰⚽ സീരി എ യിൽ നാപ്പോളി, ഇന്റർ, എസി മിലാൻ ടീമുകൾക്ക് ജയം യുവന്റസിന് റോമയുമായി സമനില
📰🏏 ഐ പി എല്ലിലെ ആവേശകരമായ മത്സരത്തിൽ പഞ്ചാബിനെതിരെ രാജസ്ഥാന് ജയം , മായങ്ക് അഗർവാളിന് സെഞ്ചുറി, സഞ്ചു സാംസണ് അർധ ശതകം.
📰⚽ ഫ്രഞ്ച് ലീഗിൽ പി.എസ് ജിക്ക് ജയം
📰⚽ ഐ ലീഗ് ടീമായ ഈസ്റ്റ് ബംഗാൾ ഇനി ഐ എസ് എല്ലിൽ കളിക്കും. ടീമിന്റെ അപേക്ഷ ഐ എസ് എൽ അധികൃതർ അംഗീകരിച്ചു.
